Куьн патал, аялар (шиирар ва манияр)

Чан лацу лиф

Хажалатар кун патал цІув,
Вили цава гузвани лув?
Къизил гуьллер бул авай рув,
Ашукь я вал, чан лацу лиф!

Уьмуьрдин дад ийиз ширин,
Багъишзава на чаз хъуьруьн.
Ислягьвилин акьул дерин,
Ашукь я вал, чан лацу лиф!

Руьгьдин михьи авай къашар,
Жуьреба – жуьр авай яшар,
Гьам адаяр, гьамни рушар,
Ашукь я вал, чан лацу лиф!

Чи мурадар тухуз кьиле,
Гьар са кІвалах яхъ ви гъиле.
Чи ислягьвал кІани къеле,
Ашукь я вал, чан лацу лиф!


<<<назад