Куьн патал, аялар (шиирар ва манияр)

Чепелукь

Чигед кІаник къацу яйлах,
Къавах таран кІане булах,
Хъсан хьана гьар са кІвалах,
Лув гузвани на, чепелукь?

Зун кардик ква – лакар эчІез,
Вун катзава закай кичІез.
Хушракандин гъалар къечез,
Лув гузвани на, чепелукь?

Сад алукІиз, сад хутІуниз,
Вуч зайиф я вун кьатІуниз?
Тегьне ягъиз гьар затІуниз,
Лув гузвани на, чепелукь?

Гар акъатна, пешер зарзаз,
Вун мус мугьман жедатІа заз?
Кефияр гьикІ ятІа жузаз,
Лув гузвани на, чепелукь?

Еке буржар хиве гьатна,
Вахкуз тежез кІеве гьатна,
Чубарукдин сиве гьатна,
Лув гузвани на, чепелукь?


<<<назад