Саид духтур
Шалбуз дагъдин пІирер яйлах,
Гьар са чешме - Земзем булах,
Бегенмиш я чаз ви кІвалах,
Гьуьрметлу тир, Саид духтур!
Мециз ширин, къилих кьезил,
Чирвал дерин, гъилер – къизил,
Гьар са рикІин чидай мензил,
Гьурметлу тир, Саид духтур!
Гьам Аранда, гьамни Дагъда,
Хуьре-кІвале, гьам кІвалахда,
ЦІийивилер тваз алахъда,
Гьуьрметлу тир, Саид духтур!
Сагъ чан – Девлет, азар – илан,
Алудда на чалай залан.
Гъавурда фад гьатдай чІалан,
Гьуьрметлу тир, Саид духур!
Дуствилерихъ авай ара,
Гьар са тІалдиз чидай чара,
Сажидиназ хуш я пара,
Гьуьрметлу тир, Саид духтур!
<<<назад