«Самурдин сес» газет

Шагь дагъларин аршда лекьер,
Кьулан вацІун гегьенш я кьер.
Чуьлда – зегьмет, хуьре – мехъер,
Шад я ви ван «Самурдин сес»!

Бахтлу хьуриз чи гележег,
ЧІугвазва на гьамиша женг.
Гьар садан руьгь ийиз кІанз генг,
Бахшзава чан «Самурдин сес»!

Тама-тара билбил рахаз,
Рекье твазва за ваз кагъаз.
КІвенкІвечийрин кьиле акъваз,
Гун тийиз ян, «Самурдин сес»!

«Самурдин сес» - уьмуьрдин сес,
Хуш я заз ви абурдин сес.
Гьар са кІвализ кхьиз – кІелиз,
Лув це жуван куркурдин сес!


<<<назад